01 sen 12:41
Yangiliklar

Tennis

Arina Sobolenko US Open uchinchi davrasiga yo'l oldi

Sayyoramizning ikkinchi raketkasi Arina Sobolenko AQSH Ochiq chempionatining uchinchi davra ishtirokchisiga aylandi.

Belaruslik tennis malikasi ikkinchi davrada WTA reytingida 96-pog'onadan joy olgan britaniyalik Jodi Anna Byorredjni ortiqcha qiyinchiliksiz mag'lubiyatga uchratdi - 6/3, 6/2. Bu tennischilarning o'zaro o'tkazgan ilk uchrashuvi edi.

Etmish olti daqiqa davom etgan bahsda Sobolenko 7 ta eys, 3 ta breyk qayd etib, 3 ta qo'shxatoga yo'l qo'ydi. Arinaning US Open uchinchi bosqichidagi raqibasi franciyalik Klara Byurel bo'ladi.