05 apr 23:27
Yangiliklar
Boks/MMA
Asilbek Jalilov franciyalik raqibini mag'lub etib, Jahon kubogi g'olibiga aylandi!
Fos-du-Iguasu shahrida boks bo'yicha World Boxing tashkilotchiligidagi Jahon kubogining final janglari bo'lib o'tmoqda.
Turnirning kunduzgi dastur bellashuvlari doirasida O'zbekiston terma jamoasi azosi Asilbek Jalilov (-50 kg) oltin medal yo'lida ringga ko'tarildi.
Unga Franciya vakili Niki Kummings raqiblik qildi.
3 raundlik bellashuv to'liq davom etib, yakunda hakamlarning yakdil qarori bilan 5:0 hisobida Asilbek g'alaba qozonib, World Boxing o'tkazayotgan ilk Jahon kubogida oltin medalga ega chiqdi.
Malumot uchun, Jalilov musobaqa doirasida dastlab, qozog'istonlik Nurzat Ongarov, yarim final bosqichida esa Hindiston terma jamoasi azosi Jadumani Mandengbamni mag'lubiyatga uchratgan edi.
Oldinda boks muxlislarini yana olti nafar o'zbekistonlik charm-qo'lqop ustalari ishtirokidagi final bahslari kutib turibdi.
Havola :
Manba : olamsport.com
Fikrlar