Asli o'zbekistonlik sportchi Ildar Hafizov AQSH tarkibida Pan-Amerika o'yinlari g'olibi bo'ldi

Ahamiyatlisi, musobaqaning yunon-rum kurashi bahslarida -60 kg vazn toifasida asli o'zbekistonlik, 1988 yilning 30 yanvar kuni Toshkentda tug'ilgan Ildar Hafizov ishtirok etdi va yakunda AQSH delagaciyasi hisobiga oltin medalni taqdim etdi. Hamyurtimiz finalda kubalik Kevin de Armasdan ustun kelgan.

Hafizov AQSH tarkibida bungacha 2021 yilda Gvatemaladagi Pan-Amerika chempionatida kumush, 2019 yilda Peruda o'tkazilgan Pan-Amerika o'yinlarida bronza, 2017 yilda AQSH chempionatida oltin medalni qo'lga kiritgan.

U O'zbekiston terma jamoasi safida 2011 yilda Toshkentda o'tkazilgan Osiyo chempionatida kumush va 2007 yilda Bishkekda o'tgan Osiyo birinchiligida bronza medalini qo'lga kiritgan.

Malumot o'rnida, CHilida o'tgan XIX Pan-Amerika o'yinlarida AQSH delegaciyasi 124 ta oltin, 75 ta kumush hamda 87 ta bronza medali bilan umumjamoa hisobida birinchi bo'ldi.