ATP reytingi. Jokovich 8-marotaba mavsumni peshqadam sifatida yakunladi, Humoyun 11, Fomin 19 pog'onaga pastladi

Kuchli o'ntalikda hech qanday o'zgarish kuzatilmadi. Yakuniy ATP turnirida chempion bo'lgan Novak Jokovich katta farq bilan reytingni boshqarmoqda. Aynan serbiyalik tennis yulduzi sakkizinchi bor mavsumni reyting peshqadami sifatida yakunladi. Karlos Alkaras ikkinchi o'rinni egallab turgan bo'lsa, rossiyalik Daniil Medvedev kuchli uchlikka yakun yasagan. 

Tennischilarimizning aksariyatida pasayish kuzatildi. Birinchi raketkamiz Humoyun Sultonov 11 pog'onaga pastlab, ayni paytda 100 ochko bilan 436-o'rinni egallab turibdi. Ikkinchi raketkamiz Sergey Fomin esa 19 pog'ona quyiga sho'ng'ib, 723-o'rinni band etdi. Denis Istomin o'tgan haftadagi o'rnida qoldi. Maksim SHin 2, Sanjar Fayziev 4 pog'onaga ko'tarildi. Amir Milushev 42 o'ringa pastladi. 

ATP reytingi. 2023 yil 20 noyabr holatiga ko'ra Top-10:

1. (1) Novak Jokovich (Serbiya) - 11245 ochko

2. (2) Karlos Alkaraz (Ispaniya) - 8855 

3. (3) Daniil Medvedev (Rossiya) - 7600

4. (4) Yannik Sinner (Italiya) - 6490

5. (5) Andrey Rublyov (Rossiya) - 4805

6. (6) Stefanos Cicipas (Greciya) - 4235

7. (7) Aleksandr Zverev (Germaniya) - 3985

8. (8) Xolger Rune (Daniya) - 3660

9. (9) Xubert Gurkach (Polsha) - 3245

10. (10) Teylor Fritc (AQSH) - 3100

O'zbekistonlik tennischilarning ATR reytingidagi o'rni:

436 (425). Humoyun Sultonov - 100

723 (704). Sergey Fomin - 36

1165 (1165). Denis Istomin - 6

1475T (1477T). Maksim SHin - 3

1541T (1545T). Sanjar Fayziev - 2

1966T (1924T). Amir Milushev - 1