ATP reytingi. Jokovich yana taxtga qaytdi. Top-10`da 9 ta o'zgarish, Sultonov ikkinchi raketkamizga aylandi

Unda bir nechta etiborga molik o'zgarishlar kuzatildi. Australian Open 2023 g'olibi Novak Jokovich qo'lga kiritilgan 2000 ochko evaziga yana reyting peshqadamiga aylandi. Serbiyalik tennis yulduzi 5-pog'onadan 1-o'ringa ko'tarilib oldi. Ispaniyalik Karlos Alkaraz esa 2-o'ringa pastladi. Musobaqa finalchisi Stefanos Cicipas bir pog'ona yuqorilab, 3-o'ringa joylashdi. 

Top-10 tennischilari orasida birgina Feliks Oje o'z o'rnini saqlab qoldi. Kanadalik 7-o'rinni egallagan. Qolgan barcha tennischilar o'zaro joy almashishgan. O'tgan yilgi chempionlik unvonini himoya qila olmagan Rafael Nadal 1955 ochko yo'qotib, 2-o'rindan 6-pog'onaga tushib ketdi. Avvalgi reytingda 8-o'rinda bo'lgan Daniil Medvedev (Rossiya) Top-10`ni tark etdi (12-o'rin).     

Mamlakatimizning birinchi raketkasi Sergey Fomin o'tgan haftadagi o'rniga nisbatan 4 pog'onaga pastlab, ayni paytda 366-o'rinni egallab turibdi. Yangilangan reytingda Humoyun Sultonov ikkinchi raketkamizga aylanib oldi. Kecha u Quvaytdagi turnir vice-chempioniga aylangan edi. Denis Istomin esa aksincha 18 pog'onaga pastladi. Maksim SHin o'z o'rnida qoldi. Sanjar Fayziev 8, Mustafa Do'stov 5, Rahimbek Ibrohimov 4, Aziz Dadaboev esa 89 pog'onaga yuqorilagan.  

ATP reytingi. 30 yanvar kungi holat

1. (5) Novak Jokovich (Serbiya) - 7070 ochko

2. (1) Karlos Alkaraz (Ispaniya) - 6730 

3. (4) Stefanos Cicipas (Greciya) - 6195

4. (3) Kasper Ruud (Norvegiya) - 5765

5. (6) Andrey Rublyov (Rossiya) - 4200

6. (4) Rafael Nadal (Ispaniya) - 3815

7. (7) Feliks Oje (Kanada) - 3715

8. (9) Teylor Fritc (AQSH) - 3410

9. (10) Xolger Rune (Daniya) - 3046

10. (11) Xubert Gurkach (Polsha) - 2995

O'zbekistonlik tennischilarning ATR reytingidagi o'rni:

366 (362). Sergey Fomin - 130

480 (491). Humoyun Sultonov - 80 

492 (474). Denis Istomin - 75

1107 (1107). Maksim SHin - 8

1166 (1174). Sanjar Fayziev - 6

1502 (1507) Mustafa Do'stov -2

1640 (1644) Rahimbek Ibrohimov - 1 

1717 (1806). Aziz Dadabaev - 1