Australian Open–2023 muxlislar tashrifi bo'yicha barcha "Katta Dubulg'a" turnirlari rekordini o'rnatdi

Ikki hafta davomida Avstraliyaning Melburn shahri mezbonlik qilgan musobaqaga 839 192 muxlis tashrif buyurgan (saralash bahslari hisobga olinsa bu ko'rsatkich 902 312 kishiga oshadi). Oldingi rekord 812 174 kishi bilan 2020 yilda Avstraliyada o'rnatilgan (pandemiyadan oldingi oxirgi turnir).

Bundan tashqari, 21 yanvar kuni Avstraliya ochiq chempionatiga jami 94 854 tomoshabin tashrif buyurdi, bu avvalgi rekord (93 709 )dan 1 145 taga ko'p.

"Ko'pchilik (Rojer Federer, Serena Uilyams va Eshli Barti ketganidan keyin) bizda endi buyuklar yo'qligini, hammasi dahshatli bo'lishini aytishdi. Lekin odamlar shunchaki dam olishni xohlashadi, tennis esa ajoyib imkoniyat. Bu melburnliklar va avstraliyaliklar, shuningdek, butun dunyodan kelgan mehmonlarimiz uchun yozgi o'yin-kulgiga aylandi”, - dedi Tennis Australia bosh direktori Kreyg Tili The Age nashriga bergan intervyusida.

Tilining fikricha, kelasi yili turnir birinchi marta million tomoshabin chegarasidan o'tishi mumkin:

"Bu yilgi ko'rsatkich faqat boshlanishi. Kelasi yil uch haftalik feeriya bo'ladi."

Eslatib o'tamiz, "Uimbldon-2022"ning asosiy to'r o'yinlariga 515 164 kishi, "Rolan Garros-2022"ga 613 500 nafar, US Open-2022ga 776 120 kishi tashrif buyurgan.