Australian Open. Andrey Rublyov raqibini deyarli sezmadi

Dunyoning oltinchi raketkasi bo'lib turgan rossiyalik Andrey Rublyov musobaqadagi ishtirokini g'alaba bilan boshlab oldi. U ilk davrada reytingning 98-pog'onasida borayotgan avstriyalik Dominik Timni 6/3, 6/4, 6/2 hisoblarida taslim etdi. 

Ikki soatu 9 daqiqa davom etgan bahsda Rublyov 7, Tim esa 4 ta eys zarbasini amalga oshirgan. Andrey 3 ta xatoga yo'l qo'ydi. Dominik esa bu borada bexato o'ynadi. Rossiyalik tennischi o'zaro uchrashuvlardagi hisobni yiriklashtirdi - 6:3.