Australian Open. Arina Sobolenko raqibasiga 4 ta geym berdi

Sayyoramizning beshinchi raqamli tennis malikasi Arina Sobolenko uchinchi davra ishtirokchisiga aylandi. Belaruslik tennischi 88 daqiqa davom etgan ikkinchi davra bahsida WTA reytingida 51-pog'onada borayotgan amerikalik SHelbi Rojersni ortiqcha qiyinchiliksiz mag'lubiyatga uchratdi - 6/3, 6/1.

Bu tennischilarning o'zaro o'tkazgan uchinchi uchrashuvi edi - 3:0. Sobolenko 2, Rojers 7 ta eys zarbani amalga oshirgan. Endi Arina 1/8 final chiptasi uchun Elize Mertensga qarshi kortga chiqadi. Belgiyalik tennischi o'z o'rnida AQSH vakilasi Loren Devisdan 6/4, 6/3 hisobida ustun keldi.