Australian Open. Korda hal qiluvchi tay-breykda Gurkachni taslim etdi

ATP reytingida 31-pog'onada borayotgan amerikalik Sebastyan Korda polshalik nomdor raqibi Xubert Gurkachni besh set davom etgan uchrashuvda mag'lubiyatga uchratdi - 3/6, 6/3, 6/2, 1/6, 7/6(7).

Tennischilar 3 soatu 29 daqiqa davomida kortda harakat qilishgan. Ularning o'zaro uchrashuvlaridagi hisob muvozanati tiklandi - 1:1. Korda 8, Gurkach esa 19 ta eys zarbasini amalga oshirgan. Endi Korda Australian Open 1/4 finalida rossiyalik Karen Xachanovga qarshi kortga chiqadi.