Australian Open. Nadal chempionlik himoyasiga kirishdi

Jahonning ikkinchi raketkasi Rafael Nadal Avstraliya Ochiq chempionatining birinchi davrasida ATR reytingida 38-o'rinni egallab turgan britaniyalik Jek Dreyperni 4 setda mag'lubiyatga uchratdi. Uch soatu 41 daqiqada davom etgan murosasiz bahsda Nadal 7/5, 2/6, 6/4, 6/1 hisoblarida g'alaba qozondi.

SHu tariqa, ispaniyalik tennischi mavsumdagi ilk g'alabasini qo'lga kiritdi. Dreyper bilan uchrashishdan oldin u so'nggi ettita o'yinning oltitasida mag'lub bo'lgandi. Uchrashuv davomida britaniyalik tennischi sonining orqa qismidagi muammolar tufayli bir necha bor fiziologga murojaat qilgan.

Endi turnirning ikkinchi bosqichida Nadal amerikalik Makkenzi Makdonaldga qarshi bahs olib boradi.