Australian Open. Nigina Abduraimova ishtirokidagi bahs 3 set davom etdi

Hozirgina musobaqaning ayollar o'rtasidagi saralash bahslari doirasidagi biz uchun ahamiyatli uchrashuv yakuniga etdi. Unda hamyurtimiz Nigina Abduraimova ikkinchi davrada saralashning 11-raketkasi, amerikalik Keti Kolinecga qarshi kortga chiqdi. 

Ikki soatu 28 daqiqa davom etgan uchrashuvda dunyoning 115-raketkasi bo'lib turgan Keti 6/1, 4/6, 7/6(tay-brekda 10/4) hisoblarida g'alaba qozonib, uchinchi bosqichga yo'l oldi. Abduraimova uchinchi setda match-boldan chiqib ketish barobarida bahsni tay-brekkacha olib borgani va hatto 3/1 hisobida oldinda borganini aytish joiz. 

Taqqoslash uchun, Nigina WTA reytingida 176-pog'onada bormoqda. Abduraimova ilk davradagi g'alabasi uchun WTA reytingi uchun 20 ochko hamda 36 575 avstraliya dollari (bugungi kurs bo'yicha 25 353 AQSH dollari atrofida) pul ishlab olgandi.