Australian Open. Novak Jokovich ishtirokidagi bahs uch set davom etdi

Dunyoning beshinchi raketkasi bo'lib turgan Novak Jokovich uchinchi davra uchrashuvini o'tkazdi. Serbiyalik tennis yulduzi 3 soatu 6 daqiqa davom etgan bahsda ATP reytingida 28-pog'onada borayotgan bolgariyalik Grigor Dimitrovni 7/6(7), 6/3, 6/4 hisoblarida taslim etdi.

Bu tennischilarning o'zaro o'tkazgan 11-uchrashuvi edi. Bolgariyalik faoliyatida faqat bir marotaba nomdor raqibini mag'lubiyatga uchratgan. Jokovich 10, Dimitrov 13 ta eys zarbasini amalga oshirdi. Endi Novak Australian Open 1/8 finalida avstraliyalik Aleks De Minaurga qarshi kortga chiqadi.