Australian Open. Tribunaga Rossiya va Belarus bayroqlarini olib kelish taqiqlandi

Avstraliya tennis federaciyasi ukrainalik tomoshabinlarning shikoyati tufayli muxlislarga Avstraliya Ochiq chempionati bo'layotgan tribunalarga Rossiya va Belarus bayroqlarini olib kirishni rasman taqiqladi. Bu haqda tashkilotning rasmiy bayonotida malum qilindi.

"Dastlab, bizning siyosatimizga ko'ra, muxlislar ularni (Rossiya va Belarus bayroqlarini) olib kelishlari mumkin edi, biroq ularga boshqa tomoshabinlarga xalaqit bermaslik uchun bayroqlarni silkitishga ruxsat berilmagan. Bugundan boshlab Rossiya va Belarus bayroqlari Avstraliya Ochiq chempionatidan butunlay chetlashtiriladi, bu qaror darhol kuchga kiradi", — deya tashkilot so'zlaridan iqtibos keltirgan "TASS".

Ushbu taqiqga rossiyalik tennischi Kamilla Raximova va ukrainalik Katerina Bayndl o'rtasidagi o'yinda podiumda Rossiya bayrog'i ko'tarilgani uchun Avstraliya Ochiq chempionati stadionlariga 14 marta qo'ng'iroq qilgan ukrainalik muxlislarning ko'plab shikoyatlari sabab bo'lgan.