Australian Open'ning navbatdagi wild card egalari malum

16 yanvar kuni start oladigan turnirda amerikalik ikki tennischi - jahonning 133-raketkasi Teylor Taunsend hamda ATR reytingida 123-o'rinni egallab turgan Kristofer Yubenks ham  qatnashadigan bo'ldi. Ular Avstraliya Ochiq chempionatining asosiy to'r bahslari uchun wild card olishdi.

Tennischilarga imtiyozli yo'llanmalar Amerika va Avstraliya tennis federaciyalari o'rtasidagi almashuv dasturi doirasida taqdim etildi.

Eslatib o'tamiz, Taunsend Avstraliya Ochiq chempionatining asosiy to'r bahslarida beshinchi marta (eng yaxshi natijasi ikkinchi davra), Yubenks esa uchinchi marta ishtirok etadi (ilk davradan o'ta olmagan).