Azizjon Kamilov Rimda Italiya sporti mutasaddilari bilan uchrashdi

Kamilov rasmiy maqomdagi tashrif chog'ida Italiya yakkakurash sport turlari (FILJKAM) va dzyudo federaciyalari prezidenti Domeniko Falkoni, bosh kotib Massimiliano Benuchchi, texnik direktor, yaponiyalik Kiyoshi Murakami, Italiya kurash (o'zbek kurashi) federaciyasi prezidenti Vittorio Jorji hamda ushbu tadbir tashkilotchisi O'zbekistonning Italiyadagi favqulotda va muxtor elchisi Otabek Akbarov bilan uchrashdi.   

Ishchan ruhda o'tgan uchrashuv davomida qator muhim masalalar muhokama qilindi. Ular orasida O'zbekiston va Italiya dzyudo federaciyalari o'rtasida hamkorlik o'rnatish, Toshkentda ikki davlat asosiy tarkib terma jamoalarining qo'shma yig'inini o'tkazish, sport tibbiyoti va farmakologiya sohasida birgalikda ishlash, ikki mamlakat murabbiy va hakamlari uchun qo'shma seminarlar tashkil etish kabi masalalarni alohida takidlash o'rinli bo'ladi. 

SHuningdek, Azizjon Kamilov yakkakurash sport turlari uchun baza vazifasini o'tovchi Olimpiya markaziga ham tashrif buyurdi. Barcha sharoitlarga ega zamonaviy markazda Italiyaning olimpiya oilasiga mansub yakkakurash sport turlari bo'yicha turli yosh toifasidagi terma jamoalari mashg'ulot o'tkazadi. 

Uchrashuv so'nggida Azizjon Kamilov Italiya dzyudo federaciyasi prezidenti Domeniko Falkonini Toshkentga taklif qildi. O'zbekona urf-odatlarimizga ko'ra to'n kiydirildi. Taklifni xursandchilik bilan qabul qilgan Falkoni tez orada O'zbekistonga tashrif buyurishga vada berdi. Federaciya rahbarlari bir-birlariga to'rt yillikning eng nufuzli musobaqasi - Tokio-2020 Olimpiadasida omad tilashdi. 

O'zbekiston dzyudo federaciyasi mazkur uchrashuvni tashkil etishda amaliy ko'mak bergan mamlakatimizning Italiyadagi favqulotda va muxtor elchisi Otabek Akbarovga minnatdorchilik bildiradi.

O'zbekiston dzyudo federaciyasi matbuot xizmati