Badiiy gimnastika. Bayramga bag'ishlangan musobaqa

Toshkent viloyati jismoniy tarbiya va sport boshqarmasi hamda mazkur boshqarma tasarrufidagi Nurafshon shahar bolalar-o'smirlar sport maktabi tashabbusi bilan o'tkazilgan ushbu ochiq chempionatda Toshkent viloyatining Oqqo'rg'on, Piskent, O'rtachirchiq tumanlaridan hamda Samarqand va Andijon viloyatlaridan ikki yuz nafarga yaqin sportchi-qizlar ishtirok etishdi.

Murosasiz bellashuvlarining yakuniy natijalariga ko'ra kuchli uchlikdan joy olgan badiiy gimnastikachilar tashkilotchilar tomonidan diplom, medal va esdalik sovg'alari bilan mukofotlanishdi. 

SHuningdek, yaqinda  Navoiy viloyatida badiiy gimnastika bo'yicha o'tkazilgan mamlakat chempionatida muvaffaqiyatli ishtirok etgan Toshkent viloyati jamoasi viloyat jismoniy tarbiya va sport boshqarmasi boshlig'i Komiljon Adilov tomonidan sport sumkalari va kiyimlari bilan taminlangani jamoa qizlarini sportga bo'lgan ishtiyoqini yanayam kuchaytirgani bor gap. 

Ilhom RAHMONOV tayyorladi