Badiiy gimnastika. Toshkentda Jahon kubogi yakunlandi

SHu kunlari mamlakatimizda badiiy gimnastika bo'yicha Jahon kubogining uchinchi bosqich bahslari o'tkazildi. Unda dunyonnig 14 mamlakatidan tashrif buyurgan sportchilar sovrinli o'rinlar uchun kurash olib borishdi.

Xabar berib o'tganimizdek, musobaqada hamyurtimiz Sabina Tashkenbaeva o'zbek gimnastikasi uchun tarixiy natija qayd etdi. U bulava bilan mashqlarda kumush medalni qo'lga kiritdi. Bungacha, gimnastikachilarimiz Jahon kubogi bahslarida kumush medal qo'lga kirita olmagandilar. Musobaqada shuningdek, boshqa bir sportchimiz Nurinisso Usmonova ham ishtirok etdi. Ko'pkurash yakunlariga ko'ra, Sabina 14 nafar sportchi ichida 8-o'rinni qo'lga kiritgan bo'lsa, Nurinisso 13-o'rinni egalladi. SHuningdek, Sabina halqa bilan mashqlarda oltinchi o'rinni egalladi. Yakkalik bellashuvlarida rossiyalik Aleksandra Soldatova barcha oltin medallarni qo'lga kiritdi.

Jamoaviy bahslarda qizlarimiz sakkiz mamlakat ichida beshinchi bo'lishdi.