Badiiy gimnastikachilarimiz Kuala-Lumpurdagi Osiyo chempionatini umumjamoa hisobida birinchi o'rinda yakunlashdi

Unda III yozgi o'smirlar Olimpiya o'yinlariga ham yo'llanmalar berilgani haqida xabar qilgandik. Mazkur bellashuvlarda hamyurtlarimiz muvaffaqiyatli ishtirok etishdi.

Ekaterina Fetisova ko'pkurash yakunlariga ko'ra oltin medalni qo'lga kiritib, Buenos-Ayres yo'llanmasiga ega chiqdi. Ana shu tariqa gimnastikachilarimiz sportning ushbu turida uchta yo'nalishi – sport akrobatikasi, sport gimnastikasi va badiiy gimnastika bo'yicha o'smirlar Olimpiya o'yinlari yo'llanmasiga ega bo'lishdi. Trampolin bo'yicha licenzion musobaqa – Osiyo chempionati 17-21 may kunlari Filippin davlatida bo'lib o'tadi. Ishonamizki, ushbu yo'nalishda ham sportchilarimiz Buenos-Ayresga yo'llanma qo'lga kiritib, barchamizni hursand qilishadi.

Kuala-Lumpurdagi Osiyo chempionatida badiiy gimnastikachilarimiz qayd etgan natijalar:

O'smir-qizlar:

Jamoaviy ko'pkurash – kumush
Yakkalik ko'pkurash – oltin (Fetisova E.), kumush (Zokirova L.)
Halqa bilan mashqlar – kumush (Zokirova L.)
Bulava bilan mashqlar – kumush (Fetisova E.)
Tasma bilan mashqlar – oltin (Fetisova E.), kumush (Zokirova L.)
O'smirlar Olimpiya o'yinlariga licenziya (Fetisova E.)

SHuningdek, kattalar o'rtasidagi musobaqada ham bir qator sportchilarimiz sovrinli o'rinlarni qo'lga kiritishdi:

Jamoaviy ko'pkurash – oltin
Yakkalik ko'pkurash – kumush (Tashkenbaeva S.), bronza (Usmonova N.)
Halqa bilan mashqlar – oltin (Usmonova N.)
Koptok bilan mashqlar – bronza (Usmonova N.)
Bulava bilan mashqlar – oltin (Tashkenbaeva S.), kumush (Usmonova N.)

Quvonarlisi, O'zbekiston milliy terma jamoasi Osiyo chempionatida medallar jamg'arish bo'yicha umumjamoa hisobida birinchi o'rinni egalladi. Yosh spotchilarimiz esa bu borada ikkinchi bo'lishdi. Terma jamoamiz azolari bugun yurtimizga qaytib kelishadi.

Milliy olimpiya qo'mitasi O'zbekiston gimnastika federaciyasi, murabbiylar shtabi va albatta sportchilarni Malayziyadagi muvaffaqiyatli ishtirok bilan tabriklaydi va navbatdagi muhim musobaqalarda omad va zafarlar tilaydi.