Badiiy gimnastikachilarimiz yana bir xalqaro turnirda shohsupaga ko'tarilishdi

Unda Rossiyaning o'nlab shaharlari qatorida Toshkentdan ham borgan 500 ga yaqin gimnastikachilar ishtirok etishdi. Gimnastikachilarimiz ushbu musobaqada Sevar Karimova va Vlada Eshtaeva boshchiligidagi qatnashishdi. 

SHaxsiy mashqlarda o'smirlar o'rtasida Maftuna Zairova oltin medalni qo'lga kiritgan bo'lsa, Asal Ikromova kattalar o'rtasidagi bellashuvlarda kumush medal bilan taqdirlandi. Guruh mashqlarida ham o'z imkoniyatlarini sinovdan o'tkazgan gimnastikachilarimiz yakunda shohsupaning eng yuqori pog'onasiga ko'tarilishdi. Jamoa tarkibida Kamilla Abdullaeva, Nilufar Azamova, Dinara Izzatullaeva, Sabina Ganieva va Viktoriya Kimning chiqishi oltin medalni qo'lga kiritish uchun etarli bo'ldi.

Bundan tashqari, Ulyana Trofimovaning maxsus sovrini bilan Xurshida Abduraufova, Ariana Bondareva va Sevinch Mamadalievalar taqdirlanishdi.

Qayd etish lozimki, Ulyana Trofimova 2012 yili London mezbonlik qilgan Olimpiya o'yinlarida O'zbekiston sharafini himoya qilgan. U o'z vaqtida terma jamoamiz safida Osiyo o'yinlari, shuningdek Osiyo chempionatlarida sovrinli o'rinlarni qo'lga kiritgan.

Xurshida Abdikulova