So’nggi yangiliklar

19:18Таэквондочиларимиз янгиланган Жаҳон рейтингида нечанчи ўринларни эгаллаб туришибди? 0 18:42UFC 337 турнирининг санаси ва ўтказилиш жойи маълум бўлди 0 18:14Чимаев UFC собиқ чемпиони билан беллашув ўтказиши мумкинлигини айтди 0 17:49Ромелу Лукаку Бельгия терма жамоасидаги фаолиятини якунлаганини эълон қилди 0 17:22Жасурбек Рустамхонов Чехия хоккейи тарихига кирди 0 16:50Норвегия россиялик ва беларуслик спортчиларнинг мусобақалар учун мамлакат ҳудудига киришини тақиқлайди 0 16:19Расман! Руслан Абдуллаевнинг рақиби, жанг санаси ва манзили эълон қилинди 0 15:48Почеттино МЮга нигериялик "девор"ни олиб келмоқчи 0 15:17Гукеш жаҳон тожи учун матч олдидан Жавоҳир Синдаров ҳақида гапирди 0 14:46Қирғизистонда Олимпиада ғолиб ва совриндорлари учун умрбод стипендиялар тасдиқланди 0 14:15Zagreb Grand Prix 2026 турнирини иккита медаль билан якунладик 0 13:44Де ла Фуэнте Испаниянинг Англиядан учраган мағлубияти ва тўхтатилган тарихий серия ҳақида гапирди 0 13:13Расман. Mangu 7 турнирининг санаси ва манзили эълон қилинди + ПОСТЕР 0 12:42Дзюдочиларимиз "ШҲТ Очиқ кубоги"да 7 та медаль қўлга киритишди 0 12:11UFC Fight Night 296 турнирининг асосий жанги эълон қилинди + ПОСТЕР 0

21 apr 09:02
Yangiliklar

Gimnastika

Badiiy gimnastikachilarimizning g'alabasi sharafiga matbuot anjumani tashkil etildi

Teglar :  Badiiy gimnastika
Xabaringiz bor, 16-18 aprel kunlari poytaxtimiz badiiy gimnastika bo'yicha Jahon kubogining navbatdagi bosqichiga mezbonlik qildi.

Musobaqaning guruh bahslarida ishtirok etgan qizlarimiz ilk bor 2 ta oltin va 1 ta kumush medallarini qo'lga kiritishdi.Kecha Milliy Olimpiya qo'mitasining anjumanlar zalida sportchilarimizning ushbu muvaffaqiyatiga bag'ishlangan matbuot anjumani bo'lib o'tdi. Unda MOQ raisining birinchi o'rinbosari Ravshan Irmatov, Tashkilot Bosh kotibi Oybek Kasimov, O'zbekiston sport faxriylari kengashi raisi Bahodir Maxsitov, O'zbekiston gimnastika federaciyasi rahbariyati, Jahon kubogida guruh mashqlarida yurtimiz sharafini himoya qilgan qizlarimiz va ularning murabbiyi, OAV xodimlari ishtirok etishdi.


Tadbirni Ravshan Irmatov ochib berdi va gimnastikachilarimiz qo'lga kiritgan ushbu muvaffaqiyatning ahamiyati haqida gapirdi.

“Qizlarimizning qo'lga kiritgan muvaffaqiyati xalqimizning kayfiyatini yanayam ko'tardi. Ayniqsa, muhtaram Prezidentimizning sportga qaratayotgan ulkan etiborlari bilan har bir sport turida sezilarli muvaffaqiyatlarga erishmoqdamiz. Bu o'zbek gimnastikasi uchun tarixiy oltin medallar sanaladi. Umid qilamizki, ularning bunday zafarlari bardavom bo'ladi”, – dedi MOQ raisining birinchi o'rinbosari.

Anjumanda poytaxtimiz 6-11 iyun kunlari badiiy gimnastika bo'yicha Osiyo chempionatini qabul qilishi elon qilindi. Ahamiyatlisi, unda yakkalik va jamoaviy yo'nalishda birinchi o'rinni qo'lga kiritgan sportchilar Tokio-2020 yo'llanmasiga ega bo'lishadi.

Tadbir davomida jamoamizning rossiyalik murabbiyi Ekaterina Pirojkova ham musobaqa taassurotlari va kelgusidagi rejalar haqida o'z fikrlarini bildirib o'tdi.

“Karantin davrida biz to'xtab qolmadik. O'zbekiston hukumati jamoa bilan ishlashim uchun barcha sharoitlarni yaratib bermoqda. Qiyin elementlar ustida ishladik. Elementlar qanchalik murakkab bo'lsa, shuncha yuqori ball olamiz. Musobaqada 40 dan yuqori ball jamg'ardik. Bunday natijaga joriy mavsum Rossiya va Bolgariya terma jamoalari erisha olgan xolos. Mashg'ulotimiz davomiyligi kuniga 8 soatdan oshadi va unda xatolarimiz, elementlarni yanada murakkablashtirish va “toza” ijro ustida ishlayapmiz. Osiyo chempionatidagi asosiy raqibimiz Qozog'iston jamoasi. Lekin biz faqat ulardan o'tib ketish uchun shug'ullanmayapmiz. Maqsadimiz Tokio-2020 yo'llanmalarini qo'lga kiritish va Olimpiadada medallar yo'lida etakchilarga jiddiy raqobat tug'dirishdir”, – dedi Ekaterina Pirojkova.

Anjuman mobaynida jurnalistlarning Jahon kubogining keyingi bosqichlari va Osiyo chempionatiga tayyorgarlik, dasturlarni ijro etishda qaysi elementda ishlash murakkablik tug'dirayotgani, kelgusidagi rejalar haqidagi savollariga atroflicha javob berib o'tildi.

Eslatib o'tamiz, mazkur nufuzli musobaqaning yakkalik yo'nalishida hamyurtlarimiz Sabina Tashkenbaeva hamda Ekaterina Fetisovalar Tokio-2020 Olimpiadasi yo'lida qimmatli reyting ochkolarini jamg'arishdi. Oldinda sportchilarimizni 7-9 may kunlari Jahon kubogining Boku (Ozarbayjon) hamda 28-30 may kunlari Pesaro (Italiya) shaharlarida o'tadigan uchinchi va to'rtinchi bosqich bellashuvlari kutib turibdi.


Reyting:    

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing