Bahodir Jalolov haqida film suratga olinadi

O'zbekistonlik charm-qo'lqop ustasi Bahodir Jalolovning Tokio-2020 olimpiadasidagi g'alabasi haqida "Engilmas. Tokioga yo'l" nomli film suratga olinadi. Bu haqda Axborot va ommaviy kommunikaciyalar agentligi Surxondaryo viloyati hududiy boshqarmasi malum qilgan.

"Rio-2016 Olimpiadasidagi muvaffaqiyatsizligidan so'ng bokschi Bahodir Jalolov qisman boksdan chetlashtiriladi. Ammo murabbiylar sportchini terma jamoaga qaytarishga muvaffaq bo'lishadi.

Bahodir yana mashg'ulotlarga kirishadi va qisqa vaqt ichida bir qancha muhim turnirlarda g'alaba qozonib, nafaqat Osiyo, balki jahon chempioni bo'ladi. 

SHuningdek, filmda antiqahramonlar ham bor: turnir hayatiga bir amaldor keyingi Olimpiadada amerikaliklarning g'alabasini taminlash topshirig'ini beradi.

Tokio Olimpiadasida O'zbekiston terma jamoasidan faqat Bahodir finalga yo'l oladi, u erda amerikalik Torres bilan yuzlashadi. Turnir hayati rejasiga ko'ra, u ko'r-ko'rona amerikalikka mag'lub bo'lishi kerak edi. Ammo so'nggi lahzada makkorona reja barbod bo'ladi – Bahodir Olimpiada chempioniga aylanadi.

Loyihaga 300 ga yaqin mahalliy va xorijiy aktyorlar jalb etiladi.   Tasvirga olish ishlari Toshkent, Surxondaryo, Tokio, Nyu-Yorkda olib boriladi", - deyiladi AOKAning Surxondaryo hududiy boshqarmasi rasmiy xabarida.