Bahodir Jalolov IBA va HOQ o'rtasidagi vaziyatga o'z munosabatini bildirdi

– Xalqaro olimpiya qo'mitasi va Xalqaro boks associaciyasi (IBA) o'rtasida vaziyat muammoli tus olmoqda. Bunga sizning munosabatingiz qanday?   

– Bu muammolarga to'xtalib o'tadigan bo'lsam, avvalo, tez orada ijobiy hal bo'ladi, deb umid qilaman. O'ylaymanki, ikki tashkilot sportchilar uchun maqbul qarorga keladi. Biroq biz sportchimiz, ushbu qarorlarning eng to'g'ri va maqbulini tanlab, doimo, olg'a boramiz. Mening oliy maqsadim, Olimpiya o'yinlari ikki karra g'olibi bo'lishdir va Vatanim bayrog'ini doimo balandlarga ko'tarish. Hozirda tashkilotlar bir qarorga kelmaguncha, aniq fikr va reja haqida gapira olmayman, deya Bahodirning so'zlarini iqtibos keltiradi UzA.