Bahodir Jalolov Joshua va Usikka qarshi jang, Bob Arum bilan kelishuv va kelgusi rejalari haqida gapirdi

"Joshua yoki Usik bilan jang borasida ko'p savol kelyapti. Berishsin! Har qanday jangga va har doim tayyorman. Bizga jang berishsa bo'lgani. O'zim ham Joshua, Usik singari nomdor bokschilar bilan jang qilishni xohlayapman.

Yangi promouter bilan shartnoma qildik. Ular ham 3-4 ta jangdan keyin Top-10`dagi yaxshi raqiblar bilan jang tashkillashtirishni vada berishgan. Agar bu yil ulgursam, yana bitta jang o'tkazaman. Keyingi yil ham prof ringda 2-3 ta jang o'tkazaman. Endi buyog'iga kuchsiz raqib bo'lmaydi. Rekordi yaxshi bokschilar bo'ladi. CHunki biz hozir baribir rekord uchun ishlashimiz kerak", - dedi Jalolov.

Eslatib o'tamiz, Bahodir Jalolov 27 avgust kuni prof boksda o'zining 13-jangini o'tkazib, 13-g'alabasini tantana qilgan edi. Nigeriyalik Onoriode Ehvariemega qarshi jang ilk raunddayoq hamyurtimizning nokauti bilan yakunlangandi.