Bahodir Jalolov tanqidchilarga keskin javob qaytardi

«Ko'pchilik meni AQSHda jang qilganimdan kuchsiz bokschiga qarshi ringga ko'tarildi deydi. O'zbekiston chempionatida ringga ko'tarilsam, nega bu erda tushmoqdasan deydi. Agar yo'q desam Mullajonovdan qo'rqdi deydi. Bu erga kelib jang qilsam, bu erda nima bor deydi. Bu gaplarim bilan nima demoqchiman. Bizni gapirayotganlar biz bosib o'tgan yo'ldan o'tishsin, biz ko'rgan qiyinchiliklarni ko'rsin. Bizga urilgan zarbalarni his qilib ko'rishsin. SHularni qilganidan so'ng gapirishsa mayli.

Ular faqat internetda gapirishadi. Agar ular men bilan yuzma-yuz gapirishsa, men ularga chiroyli qilib ularni xato gapirayotganini isbotlab beraman. Biz yurtimiz uchun ringga ko'tarilamiz. Bazi insonlarga o'xshab uyda g'iybat qilib o'tirganimiz yo'q. Biz vatan uchun jang qilamiz»,-deb fikr bildirdi Jalolov "Tigers TV" muhbiri bilan suhbatda.