Bahodir Jalolov terma jamoada kimni o'ziga munosib o'rinbosar deb bilishini aytdi

– Terma jamoada o'rningizga kimni munosib nomzod deb bilasiz?

"Jamoamizda kuchli va iqtidorli yigitlar ko'p. SHaxsan o'z fikrimni aytadigan bo'lsam, Jahongir Zokirov asosiy bokschiga aylansa kerak. Unda bu uchun barcha imkoniyat, kuch va texnika etarlicha. Uning kelgusi Olimpiadada ham natija ko'rsatishiga ishonaman".

– Siz uchun professional boksning eng og'ir vazn toifasidagi qaysi yo'nalish kamari nufuzliroq?

"Hamma kamarning o'ziga yarasha tarixi, nufuzi bor. Men uchun ular orasida WBC yo'nalishi ko'proq qiziqish uyg'otadi. CHunki ko'p chempionlar yashil rangdagi shu kamarni orzu qilishgan. SHuning uchun WBC kamari nisbatan obro'liroq tuyuladi".

– Professional boksda kamar qo'lga kiritishingiz uchun qancha vaqt kerak deb o'ylaysiz?

"Hozir hech narsa deb bo'lmaydi. Menga chempionlik jangini berishsa, uni bajonidil qabul qilaman. Balki bu yaqin oylarda bo'lib ketar. Balki 1 yil yoki 2 yil talab etilar, bilmadim. Aytganimdek, vaqt bo'yicha hech narsa deb bo'lmaydi. Lekin men doim bunga tayyor turaman", dedi Jalolov.