Bahodir Jalolovning azaliy raqibi Richard Torres bu safar bokschimiz bilan prof boksda jang qilish niyatida!

Xabar berganimizdek, Bahodir Jalolov avvalroq, taniqli boks promouterlik kompaniyasi TopRank mijoziga aylangan edi, qizig'i, Richard Torres ham aynan mazkur kompaniya jangchisi hisoblanadi. Torres bu holatga munosabat bildirar ekan, Jalolov bilan yana jang qilish imkoniyati tug'ilganini takidladi:

"U TopRank kompaniyasi bilan shartnoma qilganida, men endi bizning kesishuvchi yo'llarimiz bor, deb o'yladim. Bizning janglarimiz anchadan beri muhokama qilinmoqda. Bir kun kelib biz buni yana takrorlay olamiz. Endi albatta o'sha kun bo'ladi.

Har safar u bilan jang qilganimda, yanada yaxshiroq holatda bo'lar edim. Endi yana shunday imkoniyat borligidan hursandman", - dedi Richard Torres BoxingScene nashriga bergan intervyusida.

Qayd etish joiz, Bahodir Jalolov va Richard Torres havaskor boksda ikki bor to'qnash kelgan va har ikki jangda Bahodir Jalolovning qo'li baland kelgan.

Malumot uchun, Richard Torres 12 avgust kuni prof boksdagi oltinchi jangini o'tkazadi, unga o'sha kuni hamyurti Uilli Jeyk Junior (11-3-2) raqiblik qiladi. Bahodir Jalolov esa 26 avgust kuni AQSHda nigeriyalik Onoriode Ehvarieme (20-2-0) bilan jang qiladi.