Bahodir Jalolovning vaznidagi pancherlar o'zaro jang o'tkazadi

Gap Jared Anderson (15-0, 14 KO) hamda Jan Kosobuckiy (19-0, 18 KO) haqida ketmoqda. Nokautchilar o'rtasidagi jangning 29 avgust kuni AQSHning Oklaxoma shtati Talsa shahrida o'tkazilishi aytilmoqda. Bu haqda ESPN jurnalisti Kristina Poncher taniqli promouter Bob Arumga tayangan holda xabar berdi. 

"Men Bobdan efirdan tashqari suhbatimda Jaredning keyingi jangi haqida so'radim. U shunday javob berdi: "Birinchi galda biz Andersonning faol bo'lib qolishini istaymiz. Rejamizga ko'ra 29 avgust kuni Talsada unga jang tashkil qilib beramiz. Raqib avval reja qilinganidek, Jan Kosobuckiy bo'ladi. Uning rekordi 19-0, 18 nokaut!". Poncherning aytishicha, qozog'istonlik bokschining AQSH vizasi bilan bog'liq masalasi ijobiy hal bo'lgan. 

Eslatib o'tamiz, Jared Anderson kecha tong saharda CHarlz Martinni hakamlarning yakdil qarori bilan mag'lubiyatga uchratgandi. Aslida Jared kecha Kosobuckiy bilan jang o'tkazishi kerak edi. Ammo Jan AQSH vizasini o'z vaqtida ololmagani uchun ushbu jang bekor bo'lgandi.