12 may 10:06
Yangiliklar

Dzyudo

Baku Grand Slam. Bugun Sobirovga muxlislik qilamiz

Ozarbayjon poytaxti Boku shahrida “Katta Dubulg'a” turkumiga kiruvchi nufuzli turnir davom etmoqda.

Bugun Baku Grand Slam 2019 musobaqasining so'nggi uchinchi kungi bahslarida SHahzodbek Sobirov yurtimiz sharafini himoya qiladi. -90 kg vazn toifasidagi yurtdoshimiz o'z ishtirokini birinchi davradan boshlaydi.

Sobirov ilk uchrashuvida britaniyalik Jamal Petgravga qarshi tatamiga chiqadi. Ushbu bahs g'olibini ikkinchi davrada vengriyalik Kristian Tot kutib turibdi.

Malumot uchun, “Katta Dubulg'a” turkumiga kiruvchi turnir g'oliblari 1000 reyting ochkosini qo'lga kiritishadi. Kumush medal sohiblari 700, bronza medal sovrindorlari esa 500 reyting ochkosiga ega bo'lishadi. Beshinchi o'rin egalari 360, ettinchi pog'ona bilan kifoyalanganlar 260 ochkoni o'z hisoblariga yozib qo'yishadi.