10 may 16:31
Yangiliklar
Dzyudo
Baku Grand Slam. Muhriddin bronza uchun tatamiga chiqadi
Xabar berganimizdek, Ozarbayjon poytaxti Boku shahrida “Katta Dubulg'a” turkumiga kiruvchi nufuzli turnir davom etmoqda.
Baku Grand Slam 2019 musobaqasida uch nafar o'zbekistonlik dzyudochilar - Muhriddin Tilovov, SHahzod Sobirov va Obidxon Numonov yurtimiz sharafini himoya qilishyapti.
Afsuski, -66 kg vazn toifasida yurtimiz sharafini himoya qilayotgan dzyudochimiz Muhriddin Tilovov yarim final bahsida mag'lubiyatga uchradi. Hamyurtimiz oltin ochko o'ynalgan qo'shimcha daqiqalarda moldovalik Denis Vieruga imkoniyatni boy berdi.
Endi Muhriddin Tilovov bronza medali uchun kechadigan uchrashuvda ukrainalik Bogdan Yadovga qarshi tatamiga chiqadi. Vieru esa finalda ozarbayjonlik Nijat SHixalizada bilan to'qnash keladi.
O'zbekiston dzyudo federaciyasi matbuot xizmati
Havola :
Manba : olamsport.com
Fikrlar