Baku Grand Slam yakunlandi, navbat Tashkent Grand Slam turniriga!

Mukofot jamg'armasi 154 000 evroni tashkil etuvchi musobaqada sayyoramizning 4 qitasi 36 davlatidan jami 258 (166 erkak, 92 ayol) nafar dzyudochi medallar hamda jahon reytingi uchun beriladigan qimmatli ochkolar uchun bahs olib bordi. 

Yaponiya uchun atalgan musobaqada O'zbekiston terma jamoasining katta tarkibdagi dzyudochilari ham o'z omadlarini sinab ko'rishdi. Turnirda asosan yosh, xalqaro tajribasi kam bo'lgan dzyudochilarimiz ishtirok etishdi. Medal qo'lga kiritilmagan bo'lsa-da, lekin yoshlar o'zlari uchun tajriba olishdi. Bronza medali uchun kurashgan Azizbek Ortiqov yakunda beshinchi o'rinni egalladi. So'g'diyona Rafkatova, Marjona Nurulloeva, Azizbek Avazmurodov va Rustam SHorahmatov 7-o'rinni band etdi.    

Medallar jamg'armasi bo'yicha dzyudo vatani vakillari mutlaq etakchi bo'lishdi. Boku "Katta Dubulg'a" turniri xuddi Yaponiya chempionatiga o'xshab ketdi. Kunchiqar yurt dzyudochilari 10 ta oltin, 4 ta kumush, 3 ta bronza medali bilan umumjamoa hisobida birinchi o'rinni egallashdi. Kuchli uchlikka Germaniya va Ozarbayjon terma jamoalari yakun yasab berdi. Jami 22 ta davlat delegaciyalari o'z uylariga musobaqaning kamida bitta bronza medali bilan qaytishdi. 

Baku Grand Slam yakuniga etdi, endi navbat Tashkent Grand Slam turniriga! 28 fevral - 2 mart kunlari poytaxtimizdagi "Yunusobod" sport majmuasi "Katta Dubulg'a" turkumiga kiruvchi nufuzli musobaqaga mezbonlik qiladi. O'zbekiston terma jamoasi mezbon sifatida har bir vazn toifasida 4 nafardan dzyudochi bilan qatnashish imkoniyatiga ega. Hozirgacha 3 qitaning 25 davlatidan jami 266 (130 erkak, 136 ayol) nafar dzyudochi Toshkentga kelishini tasdiqlagan. Hali bu son ortib boradi.