Barcha raqibalarini muddatidan oldin taslim etgan Umida Nig'matova jahon chempionati finalida!

Biroz avval saralash bahslari yakuniga etib, kechki final blokida medallar uchun tatamiga chiqadigan juftliklar malum bo'ldi. Quvonarlisi, +78 kg vazn toifasida yurtimiz sharafini himoya qilayotgan dzyudochimiz Umida Nig'matova jahon chempionatining finaliga yo'l oldi. 

U franciyalik Astan Sako, germaniyalik Elina Dilger, turkiyalik Hatike Balchi, 1/2 finalda chexiyalik Kristina Kashperovani mag'lubiyatga uchratdi. 

Etiborlisi, Umida Nig'matova barcha raqiblarini muddatidan avval taslim etdi. Hamyurtimiz kechki final dasturida og'ir vazn reytingida 1-o'rinni egallab turgan franciyalik Emma Feyega qarshi bahs olib boradi. Nig'matova reytingning 26-pog'onasidan joy olgan. O'zbek dzyudosi tarixida ilk bor og'ir  vaznda dzyudochimiz finalda tatamiga chiqadi.