Belbog'lar rangi o'zgardi FOTOREPORTAJ

Ikki yuz nafarga yaqin dzyudochilar KU talab va majburiyatlarini muvaffaqiyatli tarzda topshirishdi hamda yangi rangli belbog'ga ega bo'ldilar. Bu bilan ular bir daraja yuqoriga ko'tarilib ham oldilar. 

Tadbirda O'zbekiston Jismoniy tarbiya va sport vaziri o'rinbosari Avazjon Karimov, O'zbekiston Milliy olimpiya qo'mitasi rais o'rinbosari, mamlakat dzyudo federaciyasi raisi Azizjon Kamilov, terma jamoa bosh murabbiyi Ilias Iliadis, terma jamoa azolari hamda ommaviy axborot vositalari xodimlari hozir bo'lishdi. Ota-onalar esa farzandlari bajargan mashqlarni katta hayajon bilan kuzatib borishdi. 

"Bugun sizlar uchun unutilmas kun. Tom manoda katta yo'lining boshida turibsizlar. Mashg'ulotlar va musobaqalarda orttirgan tajribangizni hakamlar nazoratidan o'tkazdinglar. Sizlarga tilagim, mehnat qilishdan aslo to'xtamang. Faqat mehnat evaziga maqsadga erishish mumkin. Fursatdan foydalanib, sizlarga yorqin faoliyat tilayman", - dedi dzyudo afsonasi, Olimpiada chempioni, uch karra jahon chempioni Ilias Iliadis. 

Imtixon yakunida dzyudochilarga sariq, to'q sariq va yashil rangdagi belbog'lar tantanali ravishda topshirildi.