Bellashuv Xalqaro bolalar kuniga bag'ishlandi

Xususan, mamlakatimizda ham mazkur sana munosabati bilan turli tadbirlar, shodiyonalar, sport musoboqalari yuqori suratda o'tkaziladi. Qashqadaryo viloyatining CHiroqchi tumanidagi 1-sonli Bolalar-o'smirlar sport maktabida taekvondo (WTF) bo'yicha o'g'il bolalar va qizlar o'rtasida BO'SM ochiq birinchiligi tashkil etildi.

Viloyat jismoniy tarbiya va sport boshqarmasi, tuman jismoniy tarbiya va sport bo'limi hamda Bolalar-o'smirlar sport maktabi tashabbusi bilan o'tkazilgan mazkur ochiq birinchilikda viloyatning Qarshi, Qamashi, SHaxrisabz kabi tuman va shaharlari, CHiroqchi tuman birinchi va 2-sonli BO'SMlardan yig'ilgan 100 nafarga yaqin sportchi-o'quvchilar o'zaro kuch sinashishdi. 

Kun davomida murosasiz va qizg'in tarzda o'tgan bellashuvlarning yakuniy natijalariga ko'ra, o'z  vazn toifalarida g'oliblikni qo'lga kiritgan yosh taekvondochilar tashkilotchilar tomonidan diplom, medal va esdalik sovg'alari bilan taqdirlanishdi.  

Ilhom RAHMONOV tayyorladi