07 noy 11:55
Yangiliklar
Boks/MMA
![](/upload/storage/141277_220.jpg)
Bellator 251 turnirining markaziy jangida nokaut qayd etildi + FOTOGALEREYA
AQSHning Ankasvill shahrida aralash yakkakurash qoidalari bo'yicha Bellator turniri bo'lib o'tdi.
Oqshomning markaziy jangi yarim og'ir vazn toifasida sobiq UFC jangisi Kori Anderson hamda kikboksing va tajribali aralash yakkakurashlar ustasi Melvin Manxuf o'rtasida bo'lib o'tdi. Bu Anderson uchun Bellator promoushenidagi debyut jang edi.
Besh raundga mo'ljallangan jang ikkinchi raundning o'rtalarida referi tomonidan to'xtatildi. Amerikalik jangchi niderlandiyalik raqibini parterga tushib, ketma-ket zarbalar yomg'irini yog'dirdi. Himoyasiz qolgan Manxufni chuqur nokautdan referi saqlab qoldi.
Jang yakunlanganidan so'ng Kori Anderson chempionlik bahsiga tayyor ekanini malum qildi. Vazn chempioni bo'lib turgan rossiyalik Vadim Nemkov kamarini davogar Fil Devisdan himoya qilishi kerak.
Havola :
Manba : usatoday.com
Fikrlar