Bellator 289. Ikkinchi yarim final to'liq davom etdi, Karmush kamarini himoya qildi va boshqa natijalar

Oqshom doirasidagi Gran-prining ilk yarim final jangida rossiyalik Magomed Magomedov (19-2-0) amerikalik Patrik Miks (24-1-0)ga qarshi oktagonga ko'tarildi. Jangning ikkinchi raundida Miks bo'g'ish usuli bilan Magomedovni mag'lubiyatga uchratdi.

Gran-prining ikkinchi yarim final jangida engil vaznda vaqtinchalik Bellator chempioni Raufon Stots davogar Denni Sabatelloga qarshi oktagonga chiqdi. Besh raund to'liq davom etgan jangda chempion ochkolar hisobiga ko'ra g'alaba qozondi. Hakamlardan biri 50:45 hisobidagi g'alabani Denni Sabatelloga taqdim etgan. Qolgan ikki hakam esa bir xil 48-47 hisoblari bilan chempionning g'alabasini taminlagan.  

SHu tariqa, Gran-prining finalida Patrik Miks va Raufon Stots o'zaro to'qnash keladigan bo'lishdi. Finalda g'olib chiqqan jangchi Bellator chempionlik kamari bilan birga 1 million dollar miqdoridagi mukofot pulini ham qo'lga kiritadi. 

Bugungi oqshomning ko-meynivent jangida o'ta engil vaznda Bellator chempioni Liz Karmush divizionning sobiq chempioni Juliana Velaskesga qarshi bahs olib bordi. Ikkinchi raundda Karmush braziliyalik raqibasini mag'lubiyatga uchratib, kamarini muvaffaqiyatli himoya qildi. 

Etiborlisi, bundan etti oy oldin Liz aynan Velaskesdan chempionlik kamarini tortib olgandi. O'shanda to'rtinchi raundda texnik nokaut evaziga jang to'xtatilgandi. Juliananing murabbiylari bu qarorga etiroz bildirishgan edi. Revanshda Karmush yana bir bor kuchli ekanini isbotladi.