Bellator 292. Usman Nurmagomedov Xendersondan og'irroq tosh bosdi hamda tarozining qolgan natijalari

Bellator 292 oqshomi ishtirokchilari ananaga ko'ra tarozidan o'tish marosimida hozir bo'lishdi. Turnirning markaziy jangi engil vazn toifasida amaldagi Bellator chempioni rossiyalik Usman Nurmagomedov hamda amerikalik davogar  Benson Xenderson o'rtasida o'tkaziladi. Nurmagomedov — 70,22 kg, Xenderson esa 70,13 kg tosh bosdi.

Bellator 292 turnirining yana bir qiziqarli to'qnashuvi og'ir vaznda rossiyalik Valentin Moldavskiy hamda amerikalik Linton Vassell o'rtasida kechadi. Aleksandr SHabliy esa ozarbayjonlik Tofik Musaevga qarshi oktagonga ko'tariladi. Moldavskiy tarozida 107,68 kg, Vassell – 108,59 kg vazn qayd etdi. SHabliy 70,03 kg, uning raqibi biroz og'irroq chiqdi – 70,31 kg.

Rossiyaliklardan yana biri Xalid Murtazaliev amerikalik Toni Jonsonga qarshi jang o'tkazadi. Murtazaliev 84,73 kg, Jonson – 83,8 kg vaznga ega ekani oydinlashdi. O'rta vazn vakili Xalidning birinchi urinishda vazn qila olmaganini aytish joiz bo'lsa kerak. U o'zi uchun ajratilgan bir soat ichida kerakli vaznni qila oldi.