Bellator chempioni Patrisio "Pitbul" ishtirokidagi jang muddatidan avval yakunlandi FOTOGALEREYA

Champions Series doirasidagi turnirning ko-meynivent jangi yarimengil vazn toifasida o'tkazilib, unda amaldagi Bellator chempioni, braziliyalik Patrisio "Pitbul" Freyre kanadalik davogar Jeremi Kennediga qarshi oktagonga ko'tarildi. Jangning uchinchi raundida Freyre raqibini texnik nokautga uchratib, o'z kamarini muvaffaqiyatli himoya qildi. 

Muhimligi jihatidan oqshomning uchinchi jangida o'rta vazn toifasi kamari uchun rasmiy davogar aniqlandi. Kanadalik Aaron Jeffrini hakamlarning yakdil qarori bilan mag'lubiyatga uchratgan britaniyalik Fabian Edvards keyingi jangini chempionlik kamari uchun o'tkazish huquqini qo'lga kiritdi.

"Men ortingdan boryapman!", - deya jangdan keyin divizionning amaldagi chempioni Jonni Eblinga murojaat qilgan Edvards. 

Etiborlisi, Eblin o'tgan yili Fabian Edvardsni uchinchi raundda nokautga uchratishga muvaffaq bo'lgandi. Britaniyalik jangchi oradan bir yil o'tib, yana bir bor Jonnining kamari uchun jang qilish imkoniyatiga ega bo'ldi.