“Besh tashabbus olimpiadasi”ga ko'rilayotgan tayyorgarlik tahlil qilindi

Videokonferenciya orqali o'tkazilgan yig'ilishda Qoraqalpog'iston Respublikasi, viloyatlar va Toshkent shahar hududiy bo'limlaridan masullar ishtirok etishdi.

Yig'ilishni Yoshlar siyosati va sport vaziri Adkham Ikramov olib bordi. SHuningdek, yig'ilishda vazirni birinchi o'rinbosari Alisher Sadullaev, vazir o'rinbosari Durdona Rahimova va Yoshlar ishlari agentligi direktori o'rinbosari Dilnoza Kattaxanovalar ishtirok etishdi.

Tadbirda aprel oyidan boshlab start oladigan “Besh tashabbus olimpiadasi” sport musobaqalarida yoshlar qamrovini oshirish, musobaqalarni yuqori saviyada tashkil etish, g'olib va sovrindorlarni taqdirlashda kamchiliklarga yo'l qo'ymaslik bo'yicha topshiriqlar berildi.

Malumot uchun, aprel, may, iyun oylarida “Yoshlar raqs festivali” tanlovi, yoshlar orasida sog'lom turmush tarzi va sportni ommalashtirishga qaratilgan gimnastrada, quvnoq startlar, engil atletika, mini-futbol, stol tennisi, shashka, futbol, strbitbol, workout bo'yicha respublika sport musobaqalari “Yoshlar kubogi” kibersport musobaqalari hamda ilk marotaba yoshlarni kasb-hunarga yo'naltirishga qaratilgan tikuvchilik, sartaroshlik, oshpazlik, qandolatchilik, hunarmandchilik tanlovlari o'tkaziladi! Arizalar beshtashabbus.uz sayti orqali qabul qilinmoqda.

Eslatib o'tamiz, “Besh tashabbus olimpiadasi”ning oldingi mavsumida qariyb 6,2 mlndan ortiq yoshlarni qamrab oldi.