Beterbiev Usikning yutuqlarini baholadi

Yarimog'ir vazn toifasida WBC va IBF yo'nalishlari bo'yicha jahon chempioni Artur Beterbiev Entoni Joshua va Aleksandr Usik o'rtasidagi jang haqidagi xotiralari bilan o'rtoqlashdi.

U og'ir vazn toifasida WBA, WBO va IBF kamarlari sohibi Aleksandr Usikni Entoni Joshua bilan jang oldidan tanqid qilinganiga qaramay, uni hurmat qilishini aytib o'tdi.

"Ko'pchilik meni hasad qiladi deydi, lekin men nega hasad qilishim kerak? Men o'z ishim bilan shug'ullanyapman. Men hech kimga yomon munosabatda emasman. Men qilayotgan ish oson ish emas. Ularning ikkisi ham bunga erishdi — Usik ham, Joshua ham. Ular shunga loyiq bo'lgani uchun bunga erishganlar. Men buni hurmat qilaman. Menda ular haqida hech qanday fikr yo'q".

"Men Usikka qarshiman? Men haligacha ham bu jangni ko'rmadim. Usik tarafidaman? Agar men ulardan birining tarafida bo'lganimda, jangni kuzatgan bo'lardim. Usik bilan uch marta jang qildim, bu jangni ko'rish menga unchalik ham qiziq emas edi".

Beterbiev ukrainalik bokschining yutuqlari haqida ham gapirdi.

"Men uning bu ishni qila olganini hurmat qilaman. Men uning bunday natijalarga erishganini hurmat qilaman. Bu juda zo'r", - dedi Beterbiev.

Eslatma uchun, Usik Joshuani hakamlarning umumiy qaroriga ko'ra mag'lub etgan edi. Bokschilar o'rtasidagi revansh jangi 2022 yilning birinchi yarmida tashkillashtirilishi mumkin. 

Avvalroq Aleksandr Usik ESPN talqiniga ko'ra yilning eng yaxshi bokschilari ro'yxatida ikkinchi bo'lgani haqida xabar berilgandi.

Diyor Mavlonov tayyorladi