“Binokor” pley-offdagi ikkinchi g'alabasiga erishdi FOTOGALEREYA

Xokkey uchrashuvidan bahramand bo'lish hamda sevimli jamoasini qo'llab-quvvatlash uchun tashrif buyurgan muxlislar "Binokor" hamda "Toshkent" xokkeychilarining ajoyib bahsiga guvoh bo'ldilar. 

O'yinda gollar shousi amalga oshmagan bo'lsada, xokkeychilar mahorat bobida tobora o'sayotganligini namoyish eta oldilar. “Binokor” jamoasi pley-off bosqichining navbatdagi o'yinida ham zafar quchdi: “Binokor”-“Toshkent” 2:1. 

Bosqichning birinchi o'yinida ham “Toshkent” jamoasining omadi yurishmagan (“Binokor” - “Toshkent” 5:1) edi. 

Bugun pley-off bosqichining navbatdagi uchrashuvi bo'lib o'tadi.  “Xumo” hamda “Semurg'” jamoalari uchrashuvi kech soat 20:00 da boshlanadi.

Suratlar muallifi - Alimurod Mamadaminov