Bir nechta vaznda jahon chempionati uchun kichik saralash musobaqasi o'tkazildi FOTOGALEREYA

Ayni paytda terma jamoamiz ushbu nufuzli musobaqaga tayyorgarlikni davom ettirmoqda. Ayrim vazn toifalarida bir necha dzyudochi jahon chempionatida qatnashish uchun davogar bo'lib turgandi. Bu albatta yaxshi holat. Raqobat qanchalik kuchli bo'lsa, terma jamoa ham shunchalik kuchayadi. 

SHu maqsadda murabbiylar shtabi O'zbekiston dzyudo federaciyasida kichik saralash turniri o'tkazishdi. Bellashuvlarni bevosita O'zbekiston Milliy olimpiya qo'mitasi raisi o'rinbosari, mamlakat dzyudo federaciyasi raisi Azizjon Kamilov kuzatib bordi. 

Murabbiylar shtabi, Bahodir Uzakberganov va Ramziddin Saidov boshchiligidagi tajribali referilarimiz ko'z o'ngida o'tgan saralash turnirida jahon chempionatida yurtimiz sharafini himoya qiluvchi tarkib aniqlab olindi. Hammasi shaffof tarzda o'tdi va hech qanday savolga o'rin qolmadi.