Birinchi raketkamiz Pragada muvaffaqiyatli start oldi

Mukofot jamg'armasi 25 ming dollarni tashkil etuvchi ushbu turnirda mamlakatimizning birinchi raketkasi Humoyun Sultonov ham ishtirok etyapti. Hamyurtimiz ilk davrada germaniyalik Jeremi Janga qarshi kortga chiqib, raqibini ikki setda ham bir xil hisobda mag'lubiyatga uchratdi - 6/3, 6/3. 

Taqqoslash uchun, Sultonov ATP reytingida 427, Jan esa 613-pog'onadan joy olgan. Ayni shu daqiqalarda Humoyun 1/8 final uchrashuvida dunyoning 351-raketkasi bo'lib turgan chexiyalik Mixael Vrbenskiga qarshi bahs olib bormoqda.