22 avg 07:02
Yangiliklar

Boks/MMA

Bivolning so'nggi raqibi Xilberto Ramires keyingi jangini kimga qarshi o'tkazishi elon qilindi + POSTER

Yarim og'ir vazn toifasida meksikalik professional bokschi Xilberto Ramiresning (44-1-0) navbatdagi jangi rasman elon qilindi.

Unga ko'ra, Zurdo Ramires faoliyatidagi 46-jangini 7 oktyabr kuni o'tkazadigan bo'ldi. Las-Vegasda o'tkaziladigan jangda Xilbertoga amerikalik Jo Smit (28-4-0) raqiblik qiladi.

Takidlash joiz, har ikki bokschi bunga qadar yarim og'ir vazn toifasida jang qilib kelgan, ammo bo'lajak to'qnashuv birinchi og'ir vazn toifasida tashkil etiladi.

Eslatib o'tamiz, Xilberto Ramires o'tgan yilning noyabr oyida rossiyalik WBA chempioni Dmitriy Bivol bilan jang qilib, mag'lub bo'lgan edi. Aynan shu mag'lubiyat Zurdoning faoliyatidagi ilk mag'lubiyati bo'lgan edi. Jo Smit esa o'zining oxirgi jangida Artur Beterbievga imkoniyatni boy bergan edi.