Boboev Osiyo ochiq kubogi kumush, Tojiev bronza medali sovrindori

-81 kg vazn toifasidagi tajribali dzyudochimiz G'iyosjon Boboev oltin medal uchun kechgan bahsda rossiyalik Magomed Edilbievga qarshi tatamiga chiqdi va afsuski raqibiga yutqazib, kumush medalni qo'lga kiritdi. Ushbu vazndagi yana bir dzyudochimiz Arslonbek Tojiev esa bronza medali uchun bo'lib o'tgan bellashuvda qozog'istonlik Ayan Baygazidan ustun keldi. 

Birozdan so'ng +100 kg vazndagi dzyudochimiz Islombek Ravshanqulov ham bronza medali uchun kurashadi. Uning raqibi qozog'istonlik Galimjan Krikbay bo'ladi. -70 kg vazn toifasi yarim finalida mag'lubiyatga uchragan Farangiz Xolmurodova bronza medali uchun mezbon dzyudochi Janar Kashkin bilan bellashadi. 

-78 kg vazndagi Nodira Yo'ldosheva esa bronza uchun rossiyalik Tatyana Lyalinaga qarshi tatamiga chiqadi. +78 kg vazndagi yurtdoshimiz Rinata Ilmatovaning bronza medali uchun baxsdagi raqibasi rossiyalik Sofiya Pirogova bo'ladi.