26 okt 13:13
Yangiliklar

Dzyudo

Bobonov uchinchi davrada, Yo'ldosheva ishtirokini yakunladi

"Katta Dubulg'a" turnirining -90 kg vazn toifasidagi bahslarida yurtimiz sharafini himoya qilayotgan yoshlar o'rtasida Osiyo chempioni Davlat Bobonov ikkinchi uchrashuvida ham g'alabaga erishdi.

Ilk davrada Jahon kubogi sohibi, shu yili o'tkazilgan Monreal Gran-prisi g'olibi slovakiyalik Milan Rendlni mag'lub etgan Davlatbek ikkinchi bosqichda qirg'izistonlik Erlan SHerovdan ham ustun keldi. SHerov Bobonov singari yoshlar o'rtasida Osiyo chempioni hisoblanadi. Dzyudochimizning chorak final ostonasidagi raqibi vengriyalik Kristian Tott bo'ladi.

Afsuski, -78 kg vaznda tatamiga chiqqan dzyudochi qizimiz Nodira Yo'ldosheva birinchi bosqich uchrashuvida mag'lubiyat alamini totib ko'rdi. Nodira jahon chempionati sovrindori, o'tgan yilgi Toshkent Gran-prisi g'olibi kosovolik Loriana Kukaga yutqazib qo'ydi va musobaqadagi ishtirokini yakunladi. Bu uchrashuvda baribir tajriba o'z so'zini aytdi.