Bobur Qurbonov chempionlik jangidagi bahsli mag'lubiyatini izohladi

Hamyurtimiz mazkur jangdagi mag'lubiyatini quyidagicha izohladi:

"Assalomu alaykum, hurmatli do'stlar! Jangni yutqazdik, lekin Xudoga shukur, o'zimga hech narsa qilmadi. Men hech narsa deya olmayman. Nega unday bo'ldi? CHarchadim to'g'risi. Lekin ishonamanki, dastlabki uchta raundni yutdim. To'rtinchi va beshinchi raundlarni yutqazdim. Buni ham tan olaman. Ikki marta jangni to'xtatishga buyruq berildi, lekin bilmadim, nega jang to'xtatilmadi. 

Qonga belandik, men yutdim, deb o'ylagan edim. 4-5-raundlarni berdik, lekin qolganlarini aniq yutdim, deb o'ylagan edim. Mayli endi, nima ham qilamiz, bu sport. Uchinchi jangga kelishib oldik. Xudo xohlasa, bu safargisiga yaxshi tayyorgarlik ko'ramiz. Uzr, muxlislar, yutishni juda xohlagandim. Allohni aytgani bo'lar ekan, bu safar yutqazishimiz kerak ekan. Ming bor uzr, muxlislar!".

Eslatib o'tamiz, Qurbonov - Bobrishev revansh jangi MMA Series 70 turniri doirasida o'tkazildi. CHempionlik jangi to'liq 5 raund davom etdi va unda hakamlarning bahsli qarori tufayli Bobur Qurbonov mag'lub bo'lib, chempionlik kamaridan mahrum bo'ldi.