Bokschi qizlarimiz jahon chempionatida o'zlari uchun tarixiy natija qayd etishdi

Ortda qolgan chorak final bahslarida 4 nafar hamyurtimiz g'alaba qozondi va yarim final yo'llanmasiga sazovor bo'ldi. 

Malumki, bu bosqichga etib kelgan har bir ishtirokchi o'zi uchun kamida bronza medalini naqd qiladi. O'zbekistonlik bokschi qizlar hali hech bir dunyo birinchiligida 4 ta medal qo'lga kiritmaganini inobatga olsak, bu jamoamiz uchun tarixiy chempionatga aylanmoqda.

Kechagi kun natijalari:

-50 kg: Sabina Boboqulova - Zlatislava CHukanova (Bolgariya) 5:2

-60 kg: Sitora Turdibekova - Viktoriya Grafeeva (Qozog'iston) 0:5

-66 kg: Navbahor Hamidova - Muniya Tutire (Marokash) 5:0

-81 kg: Sohiba Ro'zmetova - Busra Isildar (Turkiya) 0:5

-48 kg: Farzona Fozilova - Anaxanim Ismailova (Ozarbayjon) 5:0

-52 kg: Feruza Kazakova - Imane El Azami (Marokash) 5:0

-57 kg: Nigina O'ktamova - Andela Brankovich (Serbiya) 0:5

-75 kg: Aziza Zokirova - Aofe Oryurki (Irlandiya) 1:4

Bugun yarim final bosqichida ringga ko'tariladigan hamyurtlarimiz va ularning raqiblari bilan tanishing:

-48 kg: Farzona Fozilova - Yuliya CHumgalakova (Rossiya)

-50 kg: Sabina Boboqulova - Xu Meiyi (Xitoy)

-52 kg: Feruza Kazakova - Pang CHol Mi (KXDR)

-66 kg: Navbahor Hamidova - Albina Moldajanova (Rossiya)