Bokschilarimiz "Elorda kubogi"dagi ishtiroklaridan qancha ishlab olishdi?

Ushbu nufuzli musobaqada O'zbekiston terma jamoasi 3 ta oltin, 1 ta kumush va 3 ta bronza medalini qo'lga kiritishgandi. Erkaklar va ayollar o'rtasidagi xalqaro turnir g'oliblari 700 AQSH dollariga ega bo'lishdi. Kumush medal sohiblari — 400, bronza medalini qo'lga kiritgan bokschilar 200 dollarlik bo'lishdi.

CHarm qo'lqop ustalarimizdan Dilshod Abdumurodov (-60 kg), Havasbek Asadullaev (-71 kg) va Jahongir Zokirov (+92 kg) oltin, Jasurbek Yo'ldoshev (-80 kg) kumush, Asilbek Jalilov (51 kg), To'rabek Xabibullaev (-80 kg) hamda Nusratbek Tohirov (-92 kg) bronza medaliga sazovor bo'ldi.

SHu tariqa, O'zbekiston terma jamoasi bokschilari Astanadagi xalqaro turnirdan umumiy hisobda 3100 AQSH dollari ishlab olishdi. Musobaqada ham erkaklar, ham ayollar terma jamoasi bilan ishtirok etgan Qozog'iston terma jamoasi esa 11 200 dollar miqdoridagi mukofot pulini qo'lga kiritdi.