Bokschilarimiz Qozog'istondagi turnirda sovrindor bo'lishdi

«Mangistau arena» sport majmuasida bo'lib o'tgan boks musobaqasida Qozog'iston, Polsha, Isroil, Suriya, Rossiya, Moldova, Ozarbayjon, Qirg'iziston, Tojikiston va O'zbekistondan tashrif buyurgan charm qo'lqop ustalari ishtirok etishdi.

Xalqaro musobaqa yakunlariga ko'ra, besh nafar hamyurtimiz sovrindorlar qatoridan o'rin olishdi.

-69kg vazn toifasida yurtimiz sharafini himoya qilgan Bilolbek Mirzarahimov finalda qirg'izistonlik Damirdin uulu Daniyarni mag'lubiyatga uchratdi va oltin medalga ega chiqdi. -91kg vazn toifasidagi bahslarda ishtirok etgan Profsor Rorimsha kumush medal bilan kifoyalandi. Foziljon Abdumurodov (-52kg), Bahromjon Fozilov (-81kg) va Obidjon Tohirov (+91kg) esa bronza bilan yurtimizga qaytishdi.

Musobaqa yakunida hakamlar qaroriga ko'ra Bilolbek Mirzarahimov va Damirdin uulu Daniyar o'rtasida kechgan bahs turnirning eng yaxshi jangi bo'ldi. Profsor Rorimsha esa «G'alabaga bo'lgan irodasi» yo'nalishida etirof etildi.