Bokschilarimizga Prezident Murojaatnomasining mazmun-mohiyati etkazildi

Prezidentimiz o'z Murojaatnomasida yakunlangan yil naqadar og'ir va masuliyatli o'tgani, ammo xalqimiz ushbu sinovlarni birgalikda, yakdil bo'lib engib o'tganligini alohida takidladi.

Bugun Toshkent viloyatida joylashgan "Yangiobod" o'quv bazasida ushbu murojaatnoma yuzasidan davra suhbati tashkil etildi. Unda O'zbekiston boks federaciyasi bosh kotibi Murodjon Mamadaliev boshchiligidagi mutasaddilar, terma jamoamiz bosh murabbiyi Marat Qurbonov, terma jamoa murabbiylari va bokschi yigitlarimiz ishtirok etishdi. 

Davra suhbati davomida Murojaatnomada keltirib o'tilgan "Yoshlarni qo'llab-quvvatlash va aholi salomatligini mustahkamlash yili" Davlat dasturini amalga oshirish, jumladan, har tomonlama etuk, zamonaviy bilim va hunarlarni puxta egallagan azmu shijoatli, tashabbuskor yoshlarni tarbiyalash, iqtisodiyot, davlat boshqaruvi, inson huquq va erkinliklarini hamda qonun ustuvorligini taminlash, tashqi siyosat, Davlat boshqaruvi organlari ish faoliyati samaradorligi va natijalarini oshirish kabi sohalarda olib borilayotgan islohotlarning mohiyatini yanada chuqur tushuntirib o'tishdi.

"Tokio Olimpiadasi boshlanishiga oz vaqt qoldi. Muhtaram yurtboshimiz siz sportchilarga, hususan bokschilarimizga katta ishonch bildirmoqdalar. 2020 yilda pandemiya sharoitiga qaramay, davlatimiz rahbari tomonidan sportga bo'lgan etibor kamaymadi. Biz sport oilasi vakillari ushbu etibor va g'amxo'rlikka javoban Yaponiya mezbonlik qiladigan Olimpiadada yuqori natijalarni qayd etishimiz lozim", - dedi Murodjon Mamadaliev. 

SHuningdek, yig'ilganlar Murojaatnomada ilgari surilagn tashabbus va g'oyalarning ahamiyati, ijro mexanizmiga to'xtalib o'tildi. Tadbir ishtirokchilari bu borada o'zaro fikr almashdilar. 

O'zbekiston boks federaciyasi matbuot xizmati